Зинедин Зидан: «2016 йил «Реал» учун қойилмақом ўтди»
18 дек 2016 23:25
Янгиликлар

Зинедин Зидан: «2016 йил «Реал» учун қойилмақом ўтди»

«Реал» устози Зинедин Зидан клублар ўртасидаги ЖЧ финалида «Кашима Антлерс» мағлуб этилгач (4:2) ўз фикрларини билдирди.

«2016 йил барча учун қойилмақом бўлди: жамоа учун ҳам, футболчилар учун ҳам. Қилинган меҳнатлардан хурсандман. Ғалаба қозониш учун қийинчиликларни ортда қолдиришга тўғри келди. Асосийси, жамоа ҳеч қачон таслим бўлмайди, бугун ҳам буни исботлай олдик.

Мавсум ҳали узоқ давом этади. Ўз оиламиз билан дам олиш учун бироз вақтимиз бор. Умид қиламанки, янги йилда ҳам шундай давом этамиз.

Бугунги рақибимиз жуда хайрон қолдирди: уларнинг ҳаракатлари ва курашлари ажойиб чиқди. Бу жамоадан баъзи футболчилар Испания чемпионатида ҳам ўйнай олишади.

Бизнинг жамоа қобилиятли», – дейди Зидан.