Zidan Jazoirdagi shifoxanaga yordam qo'lini cho'zdi

14 apr 2020, 22:59
"Marca" nashri xabariga ko'ra, Madridning "Real" klubi bosh murabbiyi Zinedin Zidan boshchiligidagi xayriya jamg'armasi Bejaye shifoxonasiga (bir paytlar Zidanlar oilasi yashagan provinciyada joylashgan) tibbiy buyumlar hadya qilgan.

Insonparvarlik yordami reanimaciya jihozlari, suniy nafas oldirish moslamalari va boshqa tibbiyot buyumlaridan iborat.

Ma'lumot uchun, Zidanning ota-onasi Jazoir urushi boshlanishidan oldinroq Fransiyaga ko'chib o'tgan. Zinedin Marselda tug'ilgan.

Jazoir Afrikada koronavirus pandemiyasidan eng ko'p zarar ko'rgan davlatlardan biri hisoblanadi. Ma'lumotlarga ko'ra, 1 983 kishi infekciya bilan zararlangan bo'lsa, 313 nafar bemor olamdan o'tgan.

O'xshash yangiliklar


Manba: Marca