Зидан "Атлетико"га қарши дурангдан кейин:"Биз бундан ҳам кўпроғига лойиқ эдик"
29 сен 2019 07:20
Янгиликлар

Зидан "Атлетико"га қарши дурангдан кейин:"Биз бундан ҳам кўпроғига лойиқ эдик"

"Реал" бош мураббийи Зинедин Зидан Ла Лига 7-турида "Атлетико" билан муроса йўли танланган учрашув ҳақида фикрлари билан бўлишди.

"Биз жамғарилган очкодан кўпроғига лойиқ эдик. Лекин, ўйинчиларни табриклашим шарт. Биз яна бирдамликни намойиш этиб, дарвозамиз даҳлсизлигини сақлаб қолдик. Ҳимояда жуда яхши ўйин кўрсатдик, аммо ҳужумда бизга нимадир етишмади. Буни устида ишлаймиз ва албатта юксакликка эришишни истаймиз.

Ўйин 0:0 бўлиб турганида, кўпроқ таваккал қилишимиз мумкин. Сизга яна бир нарсани айтишим мумкинки, келажакда албатта ўзимиздан қўшамиз. Ҳужумдаги барча ҳаракатларимизни бузишга интилган рақиб билан ўйнадик. Бизга омад озгина етишмади ва энди кейинги ўйинга тайёрланамиз.

Бэйл яхши ўйнамоқда. Жамоадаги барча футболчилар муваффақият учун ҳаракат қилишмоқда. Гарет жамоанинг ривожи учун яхшигина меҳнат қиляпти. Ҳамма каби у ҳам ҳужумда кўпроқ иш қила олади, лекин ҳимояда ҳам ёрдам бермоқда", – дейди Зидан.

Ҳавола :

Манба : twitter.com/realmadrid

Янгиликларни Телеграмда ўқинг!

Рейтинг: +6