ЖЧ-2014 саралашидаги рақиб ўртоқлик ўйинида Фаластинни мағлуб этди
07 авг 2013 10:06
Янгиликлар
ЖЧ-2014 саралашидаги рақиб ўртоқлик ўйинида Фаластинни мағлуб этди
Ўзбекистон миллий терма жамоасининг ЖЧ-2014 саралаш плей-офф босқичидаги рақиби - Иордания терма жамоаси 6 август куни Фаластин терма жамоасига қарши ўртоқлик учрашувида майдонга тушди ва 4:1 ҳисобида ғалаба қозонди.
Ҳуссам Ҳассан бошчилигидаги Иордания терма жамоаси 6 август куни Аммандаги «Қирол Абдуллоҳ» стадионида Фаластин терма жамоасини қабул қилиб, йирик - 4:1 ҳисобида ғалаба қозонди. Мазкур ўртоқлик учрашуви, Иордания терма жамоаси учун 15 август куни Сурияга қарши ОК-2015 саралаши ўйини, ҳамда сентябрь ойида Ўзбекистонга қарши кечадиган ЖЧ-2014 саралаши плей-офф учрашувларидан олдин тайёргарлик вазифасини ўтаб беради. Таъкидлаш лозим, Иордания миллий терма жамоаси 9 август куни Амманда Ливия терма жамоасига қарши иккинчи ўртоқлик учрашувини ўтказади. Ушбу учрашув ҳам Аммандаги «Қирол Абдуллоҳ» стадионида бўлиб ўтади. Иордания терма жамоаси бош мураббийи август ва сентябрь ойидаги саралаш ўйинларида иштирок этиши мумкин бўлган футболчиларнинг кенгайтирилган рўйхатини аввалроқ эълон қилган.
Эслатиб ўтамиз, Ўзбекистон миллий терма жамоаси 6 ҳамда 10 сентябрь кунлари ЖЧ-2014 саралаши плей-офф босқичида Иордания терма жамоасига қарши баҳс олиб боради. Терма жамоалар ўртасидаги дастлабки ўйин 6 сентябрь куни Иордания пойтахти Амман шаҳрида ўтказилса, жавоб учрашувига 10 сентябрь куни Тошкент мезбонлик қилади. Ўзбекистон миллий терма жамоасининг 15 август куни Туркияга қарши ўтказилиши керак бўлган ўртоқлик учрашуви қолдирилгани ҳақида хабар берган эдик.
Ўртоқлик учрашуви. Амман. Иордания. «Қирол Абдуллоҳ» стадиони.
6 август.
Иордания - Фаластин - 4:1
Голлар: Ҳассан Абдул Фаттоҳ (25), Аҳмад Ҳайил (28), Сайид Морган (35), Иброҳим Ал-Завра (75) - Мурод Исмоил (52)
Эслатиб ўтамиз, Ўзбекистон миллий терма жамоаси 6 ҳамда 10 сентябрь кунлари ЖЧ-2014 саралаши плей-офф босқичида Иордания терма жамоасига қарши баҳс олиб боради. Терма жамоалар ўртасидаги дастлабки ўйин 6 сентябрь куни Иордания пойтахти Амман шаҳрида ўтказилса, жавоб учрашувига 10 сентябрь куни Тошкент мезбонлик қилади. Ўзбекистон миллий терма жамоасининг 15 август куни Туркияга қарши ўтказилиши керак бўлган ўртоқлик учрашуви қолдирилгани ҳақида хабар берган эдик.
Ўртоқлик учрашуви. Амман. Иордания. «Қирол Абдуллоҳ» стадиони.
6 август.
Иордания - Фаластин - 4:1
Голлар: Ҳассан Абдул Фаттоҳ (25), Аҳмад Ҳайил (28), Сайид Морган (35), Иброҳим Ал-Завра (75) - Мурод Исмоил (52)
championat.asia
Тимур Кападзе: "Атрофдаги воқеалардан жуда чарчадим"
Славен Билич Ўзбекистон терма жамоаси бош мураббийига айланиши мумкин
Суперлига. "Насаф" "Бухоро"ни йирик ҳисобда мағлуб этди
“Бу оптимал таркиб эмас. Ҳакам қарорлари тўғри эди, мағлубиятни тан ола билиш ҳам керак" — Санъат Шихов Эрон билан ўйин ҳақида
Фикрлар