ЖЧ-2014. ГАНА-АҚШ. ПРЕВЬЮ

Бу жамоалар жаҳон чемпионатлари финал босқичида кетма-кет учинчи марта тўқнаш келишяпти. Германия-2006да гуруҳда Гана 2:1 ҳисобида зафар қучган. ЖАР-2010да эса нимчорак финалдаги тўқнашувда яна африкаликлар 2:1 ҳисобида ғалаба қозонганлар. Ўшанда Боатенг ва Гьяннинг голларига Донован жавоб қайтарганди. Бу жамоалар 2 бор, унда ҳам мундиалларда беллашиб кўришган.



Гана ҳам, АҚШ ҳам жаҳон чемпионатига яхши тайёргарлик кўрди. Таркиб борасида муаммолар деярли учрамади.

Гуруҳда Германия ва Португалия борлиги сабабли ўзаро беллашувда ютган жамоа нимчорак финал учун курашни давом эттиради. Ганада Асамоа, Боатенг, Мунтари, ака-ука Айю ва Гьянларнинг маҳорати қўл келиши тахмин қилинмоқда. АҚШда эса Клинсманн Дэмпси, Алтидор, Брэдли, Бизли каби шогирдларидан фаолроқ ўйнашни талаб қилса ажаб эмас.



Ҳар икки жамоа гуруҳ фаворитларига кутилмаган сюрприз тақдим этиш имкониятига эга. Фақат бунинг учун бир бош баландга сакрашлари талаб этилади.
АҚШ ЖЧлардаги охирги 23 ўйиндан 2тасида гол ўтказиб юбормаган. Дамаркус Бизли эса 4 мундиалда қатнашган ва майдонга тушган биринчи америкалик футболчига айланиб олиши мумкин.



ГАНА - АҚШ
Натал. "Дас Дунас" стадиони. 03:00
Бош ҳакам: Йонас Эрикссон (Швеция).
Тахминий таркиблар
Гана: Квараси - Аффул, Менса, Бойе, Асамоа - Рабиу, Боатенг, Мунтари - Ж.Айю, Гьян, А.Айю.
АҚШ: Ховард - Жонсон, Кэмерон, Беслер, Бизли - Зуси, Жонс, Брэдли, Бедойя - Дэмпси - Алтидор.
Жароҳатланган: Уорис (Гана).


Беҳзод Назаров тайёрлади.