ЖЧ-2014. Аргентина сўнгги сониялардаги гол эвазига чорак финалга чиқди
01 июл 2014 23:58
Янгиликлар
ЖЧ-2014. Аргентина сўнгги сониялардаги гол эвазига чорак финалга чиқди
Аргентина терма жамоаси қўшимча бўлимларнинг сўнгги дақиқасида урилган гол эвазига чорак финалга чиқди.
Швейцарияга қарши ўйиндан олдин барча Месси ва унинг жамоасини чорак финалга осонлик билан чиқишини тахмин қилганди. Бироқ ушбу мундиал бундай тахминлар учун эмаслигини исботлашда давом этмоқда.
27-дақиқада ўйиннинг энг биринчи хавфли вазиятини Гранит Жака юзага келтирди. Жарима майдони ичидан дарвозага йўллаган зарбасидан сўнг тўпни Ромеро қайтарди.
38-дақиқада Дрмич ҳисобни очишга яқин келганди. У бирга бир вазиятга чиқиб бориб тўпни Ромеронинг қўлларига йўллаб қўйди.
Иккинчи бўлим бошида Рохонинг яқин масофадан йўллаган зарбасини Бенальо қайтарди. 62-дақиқада Игуаиннинг зарбасини дарвозабон бартараф этди, орадан 5 дақиқа ўтгач Мессининг зарбасига бироз аниқлик етишмади.
78-дақиқада Месси жарима майдони ичида тўпни дарвозага йўллади, посбон тўпни қайтарди! Ўйиннинг асосий вақтида ҳисоб очилмади.
Учрашув тақдирини ҳал қилган вазият 118-дақиқада содир бўлди. Барча пенальтилар сериясига тайёр бўлиб турган вақтда Лихтштайнер тўпни йўқотиб қўяди, Месси тўп билан олдинга ўтиб ўнг қанотда бўш турган Ди Марияга уни оширди. Ярим ҳимоячининг чап оёғи билан йўллаган зарбаси дарвозадан ўрин олди - 1:0.
Сўнгги сонияларда Швейцария катта куч билан олдинга борди. Қанотдан оширилган тўпни Дземаили боши билан дарвозага йўллади, тўп устунга тегиб яна ўзига қайтди ва зарба ноаниқ кетди.
Шундай қилиб Аргентина чорак финалга йўлланма олди. Унинг рақиби Бельгия ва АҚШ ўртасидаги ўйинда маълум бўлади.
Аргентина - Швейцария 1:0
1 июль. 21:00
Бош ҳакам: Юнас Эрикссон (Швеция)
Ёрдамчи ҳакамлар: Матиас Класениус (Швеция), Даниэль Варнмарк (Швеция)
Захира ҳаками: Свейн Оддвар Мун (Норвегия).
ГОЛ: Ди Мария 118
Аргентина: Ромеро, Сабалета, Гарай, Фернандес, Рохо (Басанта, 105), Гаго (Биглия 106), Маскерано, Ди Мария, Месси, Лавесси (Паласио, 74), Игуаин
Швейцария: Бенальо, Лихтштайнер, Шер, Журу, Родригес, Бехрами, Инлер, Жака (Фернандес, 65), Шакири, Мехмеди (Дземаили, 113), Дрмич (Сеферович, 82)
Огоҳлантиришлар: Жака 36, Фернандес 72, Ди Мария 119, Гарай 120+3
Нарзулла Сайдуллаев
27-дақиқада ўйиннинг энг биринчи хавфли вазиятини Гранит Жака юзага келтирди. Жарима майдони ичидан дарвозага йўллаган зарбасидан сўнг тўпни Ромеро қайтарди.
38-дақиқада Дрмич ҳисобни очишга яқин келганди. У бирга бир вазиятга чиқиб бориб тўпни Ромеронинг қўлларига йўллаб қўйди.
Иккинчи бўлим бошида Рохонинг яқин масофадан йўллаган зарбасини Бенальо қайтарди. 62-дақиқада Игуаиннинг зарбасини дарвозабон бартараф этди, орадан 5 дақиқа ўтгач Мессининг зарбасига бироз аниқлик етишмади.
78-дақиқада Месси жарима майдони ичида тўпни дарвозага йўллади, посбон тўпни қайтарди! Ўйиннинг асосий вақтида ҳисоб очилмади.
Учрашув тақдирини ҳал қилган вазият 118-дақиқада содир бўлди. Барча пенальтилар сериясига тайёр бўлиб турган вақтда Лихтштайнер тўпни йўқотиб қўяди, Месси тўп билан олдинга ўтиб ўнг қанотда бўш турган Ди Марияга уни оширди. Ярим ҳимоячининг чап оёғи билан йўллаган зарбаси дарвозадан ўрин олди - 1:0.
Сўнгги сонияларда Швейцария катта куч билан олдинга борди. Қанотдан оширилган тўпни Дземаили боши билан дарвозага йўллади, тўп устунга тегиб яна ўзига қайтди ва зарба ноаниқ кетди.
Шундай қилиб Аргентина чорак финалга йўлланма олди. Унинг рақиби Бельгия ва АҚШ ўртасидаги ўйинда маълум бўлади.
Аргентина - Швейцария 1:0
1 июль. 21:00
Бош ҳакам: Юнас Эрикссон (Швеция)
Ёрдамчи ҳакамлар: Матиас Класениус (Швеция), Даниэль Варнмарк (Швеция)
Захира ҳаками: Свейн Оддвар Мун (Норвегия).
ГОЛ: Ди Мария 118
Аргентина: Ромеро, Сабалета, Гарай, Фернандес, Рохо (Басанта, 105), Гаго (Биглия 106), Маскерано, Ди Мария, Месси, Лавесси (Паласио, 74), Игуаин
Швейцария: Бенальо, Лихтштайнер, Шер, Журу, Родригес, Бехрами, Инлер, Жака (Фернандес, 65), Шакири, Мехмеди (Дземаили, 113), Дрмич (Сеферович, 82)
Огоҳлантиришлар: Жака 36, Фернандес 72, Ди Мария 119, Гарай 120+3
Нарзулла Сайдуллаев
championat.asia
ЖЧ-2026 саралаши. Ўзбекистон КХДРни мағлуб этиб, учинчи босқични 3 очко билан бошлади
Сречко Катанец: "Мақсадимиз томошабоп ўйин эмас, ЖЧга чиқиш"
Роналду: "Португалиянинг Евро-2016даги ғалабаси жаҳон чемпионатидаги ғалабага тенг"
ЖЧ-2026 саралаши. Ўзбекистон - КХДР: Асосий таркибимиз маълум
Фикрлар