Захарецкий "Навбаҳор" мураббийлар штабига қўшилади

Илгари бир неча йиллар давомида жамоа дарвозасини қўриқлаган Сергей Захарецкий клубга келиб иш бошлаш арафасида турибди. Бу ҳақда Бахтиёр Ашурматовнинг ўзи айтиб ўтди. Мавсум-2013да "Бухоро"да Тачмурод Агамуродовга ёрдам берган Захарецкий эндиликда Наманган жамоасида дарвозабонлар билан ишлайдиган кўринади. Ярим йил катта мураббий лавозимида ишлаб келган Роберт Гай эса жамоа билан хайрлашган.

Маълумотларга кўра, Роберт Сергеевич водийнинг бошқа бир жамоаси "Андижон" мураббийлар штабидан ўрин олган. Шу боис "Навбаҳор" иккинчи мураббий учун ҳозирда бир қатор номзодларни кўриб чиқмоқда. Бу қайси мураббий эканлигини тез орада билиб олсак ажаб эмас.

Дарвоқе, бир неча йиллардан буён ёшлар жамоасига устозлик қилиб келаётган Тоҳир Мадраҳимов ўз ишини давом эттирадиган бўлди.