Заньоло коронавирусга чалинди

"Барчага салом, афсуски, бугун эрталаб коронавирусга мусбат тест топширдим. Ўзимни яхши ҳис қиляпман, белгилар йўқ ва албатта ҳозирда карантиндаман.

Умид қиламанки, машғулотларга имкон қадар тезроқ қайта оламан, унгача эса жамоани уйдан қўллаб-қувватлаб тураман", - деб ёзган Заньоло ўз инстаграм саҳифасида.

Эслатиб ўтамиз, италиялик футболчи ҳозирда тиззасидан олган жароҳатини тиклашда давом этмоқда, у умумий гуруҳга апрелда қайтиши керак.