Юрий Лукин: "Бугунги ғалаба мавсумнинг ижобий якуни учун кафолат эмас"

Юрий Лукин, "Қизилқум" жамоаси бош мураббийи:
- Бугун жиддий ва кучли рақибга қарши майдонга тушдик. Олдимизга қўйилган вазифа нечоғли муҳим эканлигини ҳис қилган ҳолда рақибимизнинг олдинги турлардаги ўйинларини чуқурроқ таҳлил қилганимиз бугун фойда қилди. Шогирдларим кўрсатмаларимни бехато бажаришганидан хурсандман. Муҳими, бугун стадионга йиғилган мухлислар чиройли ўйинга гувоҳ бўлишди. Аммо ҳали жамоамиз ўз олдига қўйган вазифани охиригача ҳал этгани йўқ. Мақсадимиз олий лигада ўз ўрнимизни сақлаб қолиш экан, охирги турда ҳам ҳужумкор ўйин намойиш этиб, мухлисларни қувонтиришга ҳаракат қиламиз.  Бугун кейинги турдаги рақибимизнинг ўз майдонида имкониятни бой берганлиги бизни асло хотиржамликка берилишимизга йўл қўймайди. Бир сўз билан айтганда, бугунги ғалаба мавсумнинг ижобий якуни учун жамоамизга кафолат бермайди. Кураш ҳали давом этади.