UZ

Сўнгги янгиликлар

02:06А Серия. "Наполи" навбатдаги ғалабасига эришди  0 01:58Ўтган мавсумнинг энг яхши жамоаси илк мағлубиятини қабул қилиб олди  4 01:50BALLON D'OR-2025  110 23:22Рэшфорд "Хетафе"га қарши баҳс куни Флик томонидан жазоланган экан  1 22:13"Реал ТВ": "Барселона" рақиблари ҳар 3,8 та қўполлик учун сариқ карточка олишмоқда  11 20:57"Реал"нинг асосий юлдузларидан бири январда жамоани тарк этиши мумкин  6 19:53УEФА Исроилни барча Европа мусобақаларидан четлаштириш ниятида  20 19:22Бензема Европага қайтиши мумкин: Моуринью Каримни "Бенфика"га чақирди  5 18:54Рубен Диаш: "Арсенал" билан ўйин биз учун ноодатий кечди"  0 18:27Артета: "Биз "Сити" билан ўйинда доминантлик қилдик"  6 18:00"Олтин тўп" ва "The Best" мукофотлари ўртасида қандай тафовут мавжуд?  12 17:38"Реал" "Олтин тўп" маросимини бойкот қилди  40 17:12"Манчестер Юнайтед" футболчиси Instagram ва Facebook'даги барча суратларни ўчириб ташлади. Мухлислар уни бунга мажбур қилди  3 16:45Футзал. Ўзбекистон - Шарқий Тимор 7:1  6 16:14"Барселона" Ҳоландга кўз тикди  12

Юрген Клопп: "Мен "Боруссия"га шайдо бўлганман" Янгиликлар

Юрген Клопп: "Мен "Боруссия"га шайдо бўлганман"

"Боруссия" Дортмунд ва Юрген Клопп. Бу икки ном сўнгги вақтларда тез-тез биргаликда тилга олинмоқда.
Мана беш йилдирки Клопп сариқ-қоралар жамоасида фаолият юритиб келмоқда. Ўтган ҳафтада жамоа маъмурияти 46 ёшли мутахассис билан ўртадаги шартномани 2018 йилга қадар узайтирди. Хўш, аслида 2016 йилгача мўлжалланган шартномани яна икки йилга узайтиришга нима сабаб бўлди? Немис журналистларига берган интервьюсида мураббий шу масалага тўхталиб ўтди.

- Ҳали якунига етмаган шартномани узайтиришга қандай омил туртки бўлди?
- Шу ўринда клуб томонидан менга билдирилаётган ишончдан мамнунлигимни айтиб ўтмоқчиман. Ҳа, якунланишига 2,5 йил бор бўлган шартномани яна қўшимча 2 йилга узайтириш  ноодатий ҳол саналади. Аммо менда жамоани янада юксакроқ поғоналарга кўтариш учун иштиёқ бор ва айнан шу сабабдан «Боруссия» билан ҳамкорликни давом эттиришга рози бўлдим.

- Нега клуб билан бу қадар узоқ муддатли шартнома имзоладингиз? Ахир, сизга Европанинг бир қатор етакчи клублари томонидан ҳам қизиқиш билдирилмоқда…
- Шартномани узайтирганим кўрсатиб турибди-ки, яқин 5 йил ичида бошқа шаҳарлардан қўнғироқ қилишларини орзиқиб кутаётганим йўқ. Кўплаб топ-клубларнинг фаолиятимга юқори баҳо бераётганлари  мен учун қувонарли, албатта. Лекин мен меҳнатимни чиндан қадрлайдиганлар ёнида бўлишни афзал кўраман.

- Бир неча йил аввал берган интервьюларингиздан бирида "Боруссия" Дортмунд да ўзингизни жуда ҳам яхши ҳис қилишингизни айтгандингиз. Бунга нималарни омил сифатида кўрсата оласиз?
- Биласизми, ҳаётда керакли вақтда керакли жойда бўла олиш жуда ҳам муҳим саналади ва мен учун «Боруссия» мана шундай жойдир. Бу ердалигимдан жуда ҳам бахтлиман. «Боруссия» том маънода «менинг жамоам» га айланиб қолди…

- Қандай режаларга асосланган ҳолда шартнома муддати узайтирилди?
- Биз жамоа билан биргаликда ажоиб тарих ёза олдик ва у балки сўнгги йиллардаги энг яхшисидир. Аммо мен унинг интихоси ҳақида шунчаки эслашларинигина хоҳламайман. Ҳали ўз ривожининг чўққисига етиб улгурмаган, бунданда яхшироқ ўйин кўрсата оладиган клубга ёрдам бера олишимдан жуда ҳам шодман. Биз аста-секинлик билан жамоа келажагини қуриб бормоқдамиз. Мана жамоа ўтган мавсумда Европа миқиёсида 28-ўринда қайд этилган бўлса-да, якунда биз Чемпионлар Лигаси финалига қадар етиб бора олдик. Бу  чиндан ҳам жуда ажоиб. Балки шу сабаб мен "Боруссия" га шайдо бўлгандирман… 


bundesliga.de сайтидан Зохирбек таржимаси
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика