UZ

Сўнгги янгиликлар

15:29Шерзод Жўраев: “Қайси йўналишда бўлса ҳам “Навбаҳор” муваффақиятларига ҳисса қўшиш мен учун шараф”  0 15:06"Пахтакор"нинг икки етакчиси чет элга йўл олишни рад этиб, клубда қолишга қарор қилди  9 14:10"Ливерпул"га Родриго қизиқ. "Реал" вингери трансфери Диас кетган тақдирдагина амалга ошади  3 13:20Аббос Файзуллаев ҳам "Истанбул Башакшеҳир"га трансфер қилинадими? Шомуродов бу саволга жавоб берди  10 13:05Суперлига-2025. Биринчи даврадаги энг яхши 10 та трансфер  0 12:25Месси 6 ўйинда 11 та гол уриб, МЛСнинг 7 йиллик рекордини ўрнатди  40 11:35Нкунку "Челси"ни тарк этади?!  2 11:07МЮ “Реал“ футболчига 90 миллион таклиф қилди  5 10:43“Реал Мадрид“ни трансфер ойнаси якунига қадар 4 нафар футболчи тарк этиши мумкин  14 10:20Жозе Моуринью “Арсенал“ ҳужумчисини “Фенербахче“га ўтишга кўндирди  1 09:51Биринчи даврани “Локомотив“да ўтказган ҳимоячи ОКМК йиғинига қўшилди  1 09:23МЮнинг асосий дарвозабони узоқ муддатга сафдан чиқди  8 08:54“Шўртан“ сардори Ҳиндистон жамоасига кўчиб ўтди  5 08:25Аббосбек Файзуллаев: “Краснодар“ билан ўйин менинг ЦСКАдаги охирги ўйиним бўлганми ёки йўқлигини ўзим ҳам билмайман“  11 07:58Ўзбекистон МТЖнинг яна бир аъзоси фаолиятини Эронда давом эттириши мумкин  10

"Ёнаётган" Про-лига. "Андижон тайм" ва ўша Хайрулла Ҳамидов (Бекзод Толибов блоги) Янгиликлар

"Ёнаётган" Про-лига. "Андижон тайм" ва ўша Хайрулла Ҳамидов (Бекзод Толибов блоги)

Про-лиганинг даражасини унчалик ҳам юқори деб ҳисобламайдиганлар адашади.

Ҳозирданоқ бу лигада Суперлига йўлланмаси учун интрига ўзининг ҳар доимгидан ҳам энг юқори чўққисига чиқиб улгурган. Хуллас, қисқача айтганда бу лига "ёнаяпти", ҳар бир ўйинда фаворит ким, аутсайдер қайси жамоа, айта олмайсиз.

Про-лиганинг 8-турида "Бухоро" ўз майдонида вилоятдоши ҳисобланган "Ғиждувон"ни қабул қилди. Кимлардир бу ўйинда назарий жиҳатдан майдон эгаларининг осонлик билан қўлга киритиладиган ғалабасини тахмин қилаётганди, лекин амалдачи? Беллашувнинг 87-дақиқасигача "Ғиждувон" 1:0 ҳисобида ғалаба қозонаётгани ҳақида хабарингиз бор эдими? Айнан шу дақиқада сиз билган ва сиз таниган ўша тажрибали тўпурар Рўзимбой Аҳмедов ҳисобни тенглаштирди - 1:1. Ўйин шу натижа билан якунига етди.

Пешқадамлар сафида номи қайд этилаётган "Хоразм" ушбу турда яқиндагина янги бош мураббий Диёр Мирзабоев бошқарувига ўтган "Янгиер" меҳмони бўлди ва 1:3 ҳисобида мағлубиятга учради. Хўш, бундай натижани кутганмидингиз? Назаримда йўқ, кутмаган эдингиз, лекин ўйин айни шу натижа билан якунига етди.

8-турда "Арал Самали" сафарда "Зомин" билан 1:1 ҳисобида дуранг қайд этди. Турнинг марказий учрашуви дея эътироф этилаётган "Турон" - "Машъал" тўқнашувида яйпанликлар 2:1 ҳисобида ғалаба эришди. Мавсумнинг энг шиддатли ва ҳиссиётларга бой ўтган ўйинида Микола Агапов ва Аъзам Алиевларнинг шедевр голларини кўрмаган ўзбек футболи мухлислари қолмади шекилли, ёки борми?

"Андижон тайм". Бу иборани эндиликда Ўзбекистоннинг метр шарҳловчиси Хайрулла Хамидов номи билан боғлайверсак ҳеч ким қарши бўлмаса керак. Хабарингиз бордир, сўнги 3 та турда "Андижон" ўйиннинг энг сўнги дақиқаларида гол уриб ғалабага эришмоқда, ўша 3 та баҳсни ҳам айнан Хайрулла Хамидов шарҳлаб борганига, "Андижон тайм"га мухлисларни учрашувнинг энг сўнги сонияларига қадар ишонтира олганига нима дейсиз? 8-турда Ғузорнинг "Шўртан" клуби меҳмони бўлган андижонликлар ҳакам ўйин якунлангани ҳақида ҳуштакни чалиш учун чоғланган вақтда гол уриб ғалабага эришдилар. Ажойиб, тўғрими? Бунақаси камдан-кам бўлади, айниқса кетма-кет 3 та ўйинда. Ҳа, эндиликда "Андижон тайм" ибораси ва Хайрулла Хамидов номи ижтимоий тармоқларда ўзаро уйғун холда ишлатилишига шубҳа йўқ.

Қуйида интрига ҳозирданоқ "ёнаётган" Про-лиганинг 8-туридан сўнг мусобақа жадвали эътиборингизга ҳавола этилмоқда.


Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика