Ёки Мбаппе шартномани узайтиради, ёки ПСЖ уни ёзда сотиб юборади
27 фев 2023 16:36
Янгиликлар

Ёки Мбаппе шартномани узайтиради, ёки ПСЖ уни ёзда сотиб юборади

ПСЖ ҳужумчиси Килиан Мбаппе Франция биринчилигида 150 та гол урган энг ёш футболчи бўлди.

L’Équipe нашрининг ёзишича, футболчининг амалдаги шартномаси 2024 йилгача мўлжалланган. Унда ҳамкорликни яна бир йилга узайтириш банди мавжуд ва Мбаппе яқин тўрт ойда уни ишга солинишига рози бўладими ёки йўқ, қарор қилиши зарур.

Яқин ҳафталарда ПСЖ раҳбарлари Мбаппени қолишга кўндириш учун барча ишни қилади. Агар Килиан шартнома муддатини узайтиришга рози бўлмаса, ПСЖ уни кейин текинга қўлдан чиқармаслик учун 2023 йил ёзида сотиб юборишга мажбур бўлади.

Таъкидланишича, ПСЖ учун Мбаппе билан музокаралар, Лионель Месси масаласидан ҳам муҳимроқ ҳисобланади.

Бу мавсум 24 ёшли ҳужумчи ҳисобида ПСЖ сафидаги 29 ўйинда 29 та гол ва 7 та голли узатма мавжуд.

Ҳавола :

Манба : Opta

Янгиликларни Телеграмда ўқинг!

Рейтинг: