"Ёдда тутинг: агар вирус Златанга юқмаса, Златан вирусга юқади ва уни йўқ қилади"

"Италия доим менга кўпроқ нарса берган ва ўзига чорлаган. Мен ўзим ёқтирган бу мамлакатга яна қайтишни хоҳлайман.

Биз биргаликда ҳаётимизни сақлаб қолиш учун фидокорона меҳнат қилаётган шифохоналар, шифокор ва ҳамшираларга чинакам ёрдам бера оламиз. Бугун биз уларни қўллаб-қувватлашимиз керак!

Эслаб қолинг: агар вирус Златанга юқмаса, Златан унга ўтади ва йўқ қилади", – деди швециялик ҳужумчи ўз услубидан чекинмаган ҳолда.

Аввалроқ "Милан" форварди "Gofundme" платформасида миллион евро йиғиш ишларини бошлаб юборганди. Унинг ўзи 100 минг евро хайрия қилгани ҳолда "Kick the Virus away!" компаниясига старт берди.

Таъкидлаш лозимки, Италия коронавирус пандемиясининг Европадаги асосий эпицентрига айланган. Мамлакатда инфекция билан касалланганлар сони 31 мингдан ошса, вирус 2 мингдан ортиқ беморнинг умрига зомин бўлишга улгурди.