Йоахим Лев: “Чили кичик мамлакат, аммо футбол савияси бўйича дунёда учинчи ўринда”

Чили термасининг ўйини ҳақида

“Чили термаси таркибида бир қатор яхши футболчилар борлигини биламиз. Жамоа таркибига қарайдиган бўлса, уларда 8-11 нафар жаҳон даражасидаги футболчилар тўп тепади. Улар ўз клубларида ҳам етакчи. Булар орасида Видаль ва Санчесни алоҳида кўрсатишим мумкин.

Чили кичик мамлакат, аммо футбол даражаси бўйича жаҳонда учинчи ўринда туради. Улар тактик жиҳатдан жуда яхши ўйин кўрсатишади.

Пеналтилар серияси ҳақида

“Нима учун мен қўрқишим керак? Бизда ҳам 11 метрли жарима зарбаларини қайтара оладиган яхши посбон бор. Мен финал баҳси пеналтилар сериясига қадар етиб боришидан ҳайиқаётганим йўқ.

Финал учрашуви бошидаёқ ўйин тизгинини ўзимизда сақлаб туришимиз лозим. Эртанги баҳсда биз албатта ғалаба учун курашамиз. Чили билан гуруҳ босқичидаги ўйинга қараганда фаолроқ ҳаракат қилишимиз лозим бўлади”, дейди Лев.