Япониялик футболчи Қатар клубига ўтди

Накажима "Ал Дуҳайл" билан шартнома имзолади. Футболчини қўшиб олишдан мақсад Осиё чемпионлар лигасида муносиб иштирок этиш. Накажима ўзининг блогида шундай ёзди: "Мен "Портимоненсе"ни тарк этяпман ва бундан кейин "Ал Дуҳайл" учун ўйнайман. Ўйлайманки, Қатарда ҳаммаси мен учун яхши кечади. "Ал Дуҳайл"нинг ғалабаларига муносиб ҳисса қўшмоқчиман". 

Шоя Накажима бир пайтнинг ўзида ҳам чап қанот, ҳам ҳужумчи ортида ўйнай олади. У 2017 йил ижара асосида "ФК Токио"дан Португалия клубига кўчиб ўтганди. Ўзининг илк мавсумида 29та ўйинда иштирок этиб, 10та гол урган ва 12 бор голли узатмани амалга оширди. Ўтган мавсум эса атиги 13та учрашувда иштирок этиб, 5та гол урди. Бунга сабаб футболчи жароҳат олиб кўп вақтини майдон ташқарисида ўтказди. 

Накажима Япония терма жамоаси сафида 6та ўйинда майдонга тушиб 2та гол урган. Қатар чемпионати тугашига 7 тур қолганида "Ал Дуҳайл" иккинчи ўринни эгаллаб турибди. Биринчи ўринда эса "Ал Садд" бормоқда.