Янги мавсум олдидан клублар хавфсизлик офицерлари учун семинар ўтказилди

Футбол клублари тизимида фаолият олиб бораётган хавфсизлик бўйича офицерлар бу борада ҳуқуқ-тартибот идоралари вакиллари ва Лига комиссарлари билан яқиндан иш олиб боришмоқда.

Лига сўнгги йилларда ҳар мавсум аввалида клубларнинг хавфсизлик офицерлари учун ўқув-семинари ташкил этиб, уларнинг хизмат вазифалари, уларга қўйиладиган талаблар, ўйин олдидан ва учрашув давомида стадион ҳудудида хавфсизлик қоидаларига тўла риоя этилишини таъминлаш каби жиҳатлар бўйича тўлиқ тушунча бериб келмоқда.

2023 йилги мавсум старти олдидан ўтказилган семинарда ЎзПФЛ, ЎФА, Ички ишлар органлари ва Миллий гвардиянинг жамоат тартибини сақлаш бўйича масъуллари иштирок этиб, ўтган мавсум бу борада амалга оширилган ишлар сарҳисобини бажарган ҳолда олдиндаги мавсум учун умумий режалар муҳокама қилинди.

Бу йилдан эътиборан ҳар бир футбол клуби ўз ички хавфсизлик низомини тасдиқлади. Эндиликда учрашувлар пайтида клублар хавфсизлик офицерлари айнан мана шу низом асосида жамоат тартибини сақлаш бўйича Лига, Ички ишлар органлари ва Миллий гвардия билан яқин ҳамкорликда иш олиб боради.