Яна бошланди... "Челси" ёзги трансферлар учун катта пул сарфламоқчи
13 фев 15:20
Янгиликлар

Яна бошланди... "Челси" ёзги трансферлар учун катта пул сарфламоқчи

"Кўклар" таркибни кучайтириш устида ишлашда давом этади.

"Челси" ёзги трансферлар учун 200 млн фунт сарфлаш эҳтимоли бор, дея хабар берди журналист Бен Жейкобс.

Ўйинчиларни сотишда "кўклар" бюджети 300-350 миллионгача ошади.

Лондон клубининг ёздаги асосий мақсади ҳужумчи билан шартнома имзолаш. Устувор номзодлар орасида Виктор Осимхен ("Наполи") ва Айвен Тоуни ("Брентфорд") бор. Ҳар икки футболчига "Арсенал" ҳам қизиқмоқда.

"Челси"нинг яна бир трансфер мақсади – "Бавария" ҳимоячиси Альфонсо Дэвис. "Аристократлар" у учун "Реал" билан кураш олиб боришлари керак. Ҳозирча футболчини қўлга киритиш учун "қаймоқранглилар" кўпроқ имкониятга эга.

Ҳавола :

Манба : twitter.com/JacobsBen

Янгиликларни Телеграмда ўқинг!

Рейтинг: +9