Хосеп Гвардиола: “Арсенал” иккинчи бўлимда биздан яхшироқ ўйнади”

“Арсенал” иккинчи бўлимда биздан яхшироқ ўйин намойиш этди. Аммо бу нормал ҳолат. Бизда хатони тўғирлаш учун имкони бор. Гол уриб олганимиздан кейин биз қандай футбол ўйнаш кераклигини унутиб қўйдик. Биринчи бўлимда тўп узатишларда футболчиларда  ўзаро тушунмовчилик кузатилди.

Хесус Навас ўнг қанот ҳимоясида, дунёнинг энг яхши футболчиларидан бири Алексис Санчесга қарши ажойиб ўйин кўрсатди. Мен бу чизиққа айнан уни қўйишимга сабаб Саньяда жароҳат бор эди, Сабалета эса ҳали тўлиқ тикланиб олмаганди. Хесус ажойиб футболчи, унинг учун хурсандман.

“Челси” билан ўйин? Биз ўз вазифаларини яхши биладиган жамоа билан куч синашамиз. Биз Манчестерга қайтамиз, орада оз вақт қолган бўлсада муҳим ўйинга ҳозирлик кўрамиз ва яна Лондонга келамиз”, дейди Гвардиола.