Хосеп Гвардиола АПЛни энг қийин чемпионат деб ҳисобламайди

"Сизларга - Англия чемпионати энг қийини деб гапиришлари ёқади. Албатта, Премьер-лига - оғир чемпионат, бироқ "Сантяьго Бернабеу", "Камп Ноу"да ўйнаш ёки "Атлетико" ва "Севилья" билан тўп тепиш осон эмас.

Сўнгги ўн йилликда барча испан жамоалари Чемпионлар лигаси ва Европа лигасида иштирок этишмоқда, "Севилья" уч маротаба Европа лигасида ғолиб бўлди.

Инглиз жамоалари яна Чемпионлар лигасининг сўнгги раундларига етиб борганда, шунда Англияни қийин чемпионат дейиш мумкин. Бу қадамни ташлаш лозим" - дейди Гвардиола.