"Хорватия сўнгги бир неча йил ичида катта ютуқларга эришган жуда кучли жамоа" — Куман

Нидерландия терма жамоаси бош мураббийи Рональд Куман Хорватияга қарши Миллатлар Лигаси ярим финал учрашуви ва турнирдан нималарни кутаётгани ҳақида гапирди.

"Бу биз юта оладиган соврин. У аллақачон бизнинг мамлакатимизда. Аммо стадионда хорватиялик мухлислар кўп бўлади, деб эшитгандим, шунинг учун уйимиздаги устунлик сезиладими ёки йўқлигини кўрамиз.

Бу ўйинни интиқлик билан кутяпмиз, чунки у ярим финал ва биз Нидерландияда ўйнаяпмиз. Бизда яхши жамоа бор ва финалга чиқиш учун катта куч бор. Аммо Хорватия сўнгги бир неча йил ичида катта ютуқларга эришган жуда кучли жамоа, шунинг учун қийин бўлади", – деди мутахассис.

Нидерландия – Хорватия учрашуви бугун 23:45 да бошланиши режалаштирилган.