«Хоразм» хомийларнинг эътиборига мухтож

Ҳадемай мамлакатимизда Про-лига ўйинлари ҳам бошланади. Аммо шунга қарамай, «Хоразм»да шароит ижобий томонга ўзгармаяпти. Жамоа хатто мусобақада иштирок этиш учун Профессионал футбол лигасининг ҳисоб рақамига бадал пулини ўтказмаган. Футболчилар олдидаги ўтган мавсумдаги қарздорликлар ҳанузгача ёпилмади. Клуб раҳбарлари футболчиларга қолиб кетган пуллар албатта берилиши ҳақида айтиб, эртанги кунга бўлган ишончини кўтармоқда. Бош мураббий Александр Ежов ички имкониятлардан келиб чиққан холда, жамоани мавсумга пухта тайёрлашга харакат қилмоқда. Таркибга Айбек Нурбоев, Миржалол Қурбонов, Маркс Қуранбоев ва Қадамбой Нурметов келиб қўшилган. 

Бу йил ҳам асосий эътибор маҳаллий футболчиларга қаратилади. Маълумот учун, «Хоразм» чемпионатнинг илк турини 7 апрель куни Ғузорда «Шўртан» жамоасига қарши ўтказади.