"Хоразм" Тошкент йиғинини якунлади ва бир қатор футболчилар билан шартнома тузди
26 мар 2014 21:50
Янгиликлар

"Хоразм" Тошкент йиғинини якунлади ва бир қатор футболчилар билан шартнома тузди

Урганчнинг "Хоразм" жамоаси ўқув-йиғин машғулотларининг сўнгги босқичини пойтахтда олиб бораётганди.

Жамоа расмийларининг "CА"га хабар беришича клуб бугун Тошкентдаги йиғинига якун ясаган. Футболчиларга эса қисқа муддатли дам берилган. Айтишларича "Хоразм" энди 28 март куни Хивада йиғилади ва 30 март куни Ўзбекистон Кубогидаги иштирокини "Орол"га қарши баҳс билан бошлайди. Шу кунгача жамоа машғулотларида иштирок этган Санжар Баратов, Жамолиддин Машарипов, Жасур Отажонов, Илёс Хайров, Ренат Байрамов, Низом Норов сингари футболчиларнинг бу йилги мавсумда "Хоразм" шарафини ҳимоя қилиши аниқ бўлиб улгурди.

Жамоани тарк этганлар деб эса Азиз Жўраев, Солижон Хайруллаев, Собир Мамараҳимовни айтиш мумкин.

Ҳавола :

Манба : championat.asia

Янгиликларни Телеграмда ўқинг!

Рейтинг: