Хитой. Кримец Жексон Мартинезни тўхтатди, бироқ...

Ҳамюртимиз Егор Кримец тўп тепаётган "Бейжинг Гоан" клуби ўз уйида амалдаги мамлакат чемпиони "Гуанчжоу Эвергранд"ни қабул қилиб 0:3 ҳисобида ютқазиб қўйди. Кримец учрашувда тўлиқ ўйнади ва рақиб ҳужумчиси Жексон Мартинезга гол уриш имконини бермади. Бироқ бошқа бир ҳужумчи Рикардо Гоуларт иккита тўп киритди. Егор 30-дақиқада сариқ карточка олди.

"Бейжинг" 1 очко билан 15-ўринда бормоқда. Клуб кейинги ўйинни 17 апрель куни сафарда "Ханджоу Лучен"га қарши ўтказади.

"Бейжинг Гоан" - "Гуанчжоу Эвергранд" 0:3
Голлар: Гао Лин 26, Рикардо Гоуларт 44, 81


Яна бир ўзбекистонлик ҳимоячи Анзур Исмоилов фаолият олиб бораётган "Чанчун Ятаи" клуби бугун ўз уйида "Хебей"га ютқазиб қўйди - 0:1. Меҳмонлар сафида Стефан Мбиа, Жервиньо ва Эзикель Лавесси каби юлдузлар тўп тепишди. "Чанчун Ятаи" 1 очко билан мусобақа жадвалининг энг сўнгги 16-поғонасида бормоқда.

"Чанчун Ятаи" - "Хебей" 0:1
Гол: Луо Сенвен 59