Хайрулла Каримов: "Бу саволни изоҳсиз қолдираман" — Миржалол Қосимов "Насаф" билан ўйиндаги мағлубиятдан сўнг матбуот анжуманида қатнашмади

- Ўйин ҳақида

- Учрашув ҳақида айтадиган бўлсам, йигитлар бор кучини бериб ўйнади. Ҳеч кимга бу борада эътирозимиз йўқ. Бу – футбол, шунақа бўлиши керак экан, бўлди. Жамоанинг ўйин давомида кўрсатган характеридан жуда ҳам мамнунмиз. Аламли мағлубиятга учрадик, лекин йигитларга раҳмат айтамиз.

- АГМК ўйин давомида кўплаб ноаниқ узатмаларни амалга оширди. Бу мавсум якунидаги чарчоқ билан боғлиқ холатми?

- Албатта, чарчоқ бўлади. Бугун йигитлар борларини бериб ҳаракат қилишди. Битта ўйин – битта имконият. Финал йўлланмасига эга чиқиш учун ҳаракат қилдик. Ўйин борасида ҳеч қандай эътироз йўқ.

- АГМК гол ўтказганидан сўнг ҳужумларни кучайтирди. Бунга қадар ҳам шундай ҳаракат қилиш мумкин эди...

- Биз ҳаракат қилдик. "Насаф" кучсиз жамоа эмас, улар етарлича қаршилик кўрсатишди. Юқорида айтганимдек, йигитлар бугун борларини бериб ҳаракат қилишди. Ютиб кетишимиз ҳам мумкин эди. Ўйин мухлисларга манзур бўлди деб ўйлайман.

- Ҳакамлик ҳақида нима дея оласиз?

- Ҳакамлар ишини муҳокама қилмоқчи эмасман. Уларнинг ишини баҳолайдиган қўмита бор. Бу саволни изоҳсиз қолдираман.