Хайрулла Каримов: "Биргина хато қимматга тушди"

Ўйин ҳақида

- Яхши ўйин бўлди. "Қизилқум" бизга тўғридан-тўғри рақобатчи эди. 3 очкони мақсад қилгандик, афсуски, якунловчи зарбаларда омад етишмади. "Қизилқум" асосан қарши ҳужумга таяниб ўйнади. Ўйинни назорат қилдик, жамоа тўп билан яхши ҳаракатланди. Афсус, бугун бизга омад етишмади.

- Иккинчи бўлимда "Қизилқум" рақибни орқароқда кутиб ола бошлади. Шундай вазиятда юқоридан узатмалар асосан жарима майдони ичкарисига бўлаверди. Нима учун бошқача услуб бўйича кўрсатма берилмади?

- Йўқ, албатта кўрсатма берилди. Қизилқум" бир киши кам бўлиб қолгани учун асосан ўртани ёпишга ҳаракат қилди. Шу боис кўрган бўлсангиз биз 2 та бўйдор ҳужумчи билан ҳам ҳаракат қилдик. Омад ҳам етишмади, узатмалар ҳам муваффақиятли чиқмади. Мағлубиятга шулар сабаб бўлди деб ўйлайман.

- "Қизилқум"да 3 та йирик йўқотиш бор эди. Кўпчилик шу сабабли ҳам АГМКнинг енгилроқ ғалабасини тахмин қилганди. Ўйин давомида шу нарса сезилдими?

- Барибир ҳар бир ўйинда кўрсатма берилади. Футболчиларда ҳам турли руҳий холатлар бўлади. Бу борадаги айтилган фикр нотўғри бўлади. Қандай таркиб бўлишидан қатъий назар ҳушёрликни, диққат-эътиборни йўқотмаслик керак. Биргина хато бизга қимматга тушди.

- Акром Комилов захирадан ўйинга қўшилди ва яна майдондан олинди. Бунинг сабаби нима?

- Комилов озроқ жароҳат олди. Аввалги жароҳати озроқ панд берди.

- Жамоа асосий рақобатчига ютқазиб қўйди. Олдинда қийин ўйинлар бор, мақсадлар қандай?

- Олдинда ўйинлар бор, ҳар бир очко олтинга тенг бўлиб турибди. Ҳар бир учрашувга ғалабани мақсад қилган холда чиқиш керак. Ўйлашимча, интрига чемпионат охирига қадар давом этади. Ҳаёт давом, хатолар устида ишлаймиз.