Хамес Родригез "Бавария" билан илк совринини қўлга киритди (ФОТО)

Телеком Кубогининг амалдаги соҳиби "Бавария" турнир ярим финалида "Хоффенхайм" билан тўқнаш келган бўлса, "Вердер" "Боруссия М"ни синовдан ўтказди.

Ярим финал ғолиблари "Бавария" ҳамда "Вердер" финалда ўзаро куч синашишди.

Бу турнирда шуни қайд этиш ўтиш керакки, жамоалар ҳар бир таймни 30 дақиқадан ўтказишади.

Энг қизиғи, мусобақа давомида ўтказилган тўртта ўйинда жами 3та гол киритлиди ва буларнинг ҳаммаси "Бавария" футболчиларига тегишли бўлди.

"Боруссия М" эса дастлаб ярим финалда "Вердер"га, кейинчалик эса 3-ўрин учун баҳсда "Хоффенхайм"га пенальтилар сериясида имкониятни бой берди.

Карло Анчелотти ярим финал баҳсида "Бавария"ни Томас Мюллер сардорлиги остида майдонга туширди. Бу ўйинда жамоага янги келиб қўшилган Корентен Толиссо ўзининг норасмий дебютини ўтказди.

Учрашув тақдирини эса Роберт Левандовскини ажабтовур зарбаси ҳал қилди.

Ярим финал.

"Бавария" - "Хоффенхайм" 1:0

"Бавария" (4-2-3-1) - Штарке - Рафинья, Хуммельс, Мартинес, Бернат - Тьяго, Толиссо - Коман, Мюллер, Рибери - Левандовски.

Гол: 1:0 Левандовски (7)

Финалда эса "Бавария" бироз бошқачароқ таркибда майдонга тушди.
Анчелотти биринчи учрашувга нисбатан таркибда бешта ўзгаришни амалга оширди.
Штарке, Рибери, Тьяго ва Левандовскини ўрнига Кристиан Фрюхтль, Алаба, Милош Пантович, Франк Эвина ҳамда "Бавария" сафида ўзининг дебютини ўтказган Хамес Родригез майдонга тушишди.

Хамес бу учрашувда ўнг қанот ярим ҳимоясида ҳаракат қилди.

Финал тақдирини эса Томас Мюллер ҳамда Бернат томонидан киритилган голлар ҳал этди.

Шу тариқа "Бавария" бешинчи бор Телеком Кубогида зафар қучди.

Телеком Кубоги-2017.

Финал.

"Бавария" - "Вердер" 2:0

"Бавария" (4-2-3-1) - Фрюхтль - Рафинья (21. Гётце), Хуммельс, Алаба, Бернат - Мартинес (21. Толиссо), Пантович - Хамес, Мюллер, Коман (21. Фридль) - Эвина

"Вердер" (3-5-2) - Цеттерер - Бауэр, Ферлаат, Кальдирола - Гебре Селассие, Гондорф, Эггештайн, Делаэйни, Аугустинссон - Крузе, Бартелс

Голлар: 1:0 Мюллер (13.), 2:0 Бернат (34.)

Эслатиб ўтамиз, "Бавария" дарвозабонлари Мануэль Нойер ва Ульрайх жароҳатлангани боис ўтган мавсум якунида фаолиятини тугатган Том Штарке вақтинчалик "Бавария" манфаати учун жамоага ёрдам бериб турибди.

Шунингдек, яқиндагина машғулотларга қўшилган Роббен, кеч таътилга чиққан Ренату Саншеш, жамоанинг янги аъзолари Руди ва Зюле энди йиғинга қўшилишади. Жером Боатенг эса жароҳатидан эндигина фориғ бўлди ва тез орада умумий гуруҳ билан шуғуллана бошлайди.