Воҳид Холбоев: "Бир-икки йиллардан кейин "Локомотив-БФК" ўзгаради"
13 окт 2018 17:06
Янгиликлар

Воҳид Холбоев: "Бир-икки йиллардан кейин "Локомотив-БФК" ўзгаради"

Про-лиганинг "B" гуруҳида "Локомотив-БФК" мағлуб этилганидан кейин "Нурафшон" бош мураббийи Воҳид Холбоев ўз фикрларини билдириб ўтди.

"Локомотив-БФК" лиганинг сўнгги поғонасида кетаётган бўлса-да, яхши ўйин кўрсатмоқда. Бугун рақиблар биринчи бўлимда яхши қаршилик кўрсатишди. Аммо иккинчи бўлимда тажриба ўз сўзини айтди. Рақиблар таркибининг катта қисмини ёшлар ташкил қилади. Улар оддий жойларда хатоларга йўл қўйаверишди ва шу орқали жазоланишди. Шу жамоанинг ўзаги ушлаб турилса, бир-икки йиллардан кейин "Локомотив-БФК" анчагина кучаяди. Бунга аминман.
Биринчи бўлимнинг иккинчисидан фарқи? Биринчи бўлимда "Локомотив-БФК" футболчилари бизга позицион жиҳатдан бўш жойлар очиб беришмади. Бизда тажрибали футболчилар жуда кўп. Улар вазиятдан қандай чиқиб кетиш кераклигини яхши билишади. Шу боисдан иккинчи таймда кўплаб голлар урдик ва уч очкони қўлга киритдик. Йигитларга раҳмат айтаман.
Молиявий томондан ўзгаришлар бор. Бу яхши томонга. Асосийси улардан талаб қила оляпмиз", - деди Воҳид Холбоев.

Ҳавола :

Манба : championat.asia

Янгиликларни Телеграмда ўқинг!

Рейтинг: +1