"Водий футболи": Бугун "Қўқон-1912" - "Пахтакор" учрашуви

"Қўқон-1912": Бугун "Пахтакор"га қарши ўйин

Олий лиганинг 2-туридан ўрин олган қолдирилган баҳсда "Қўқон-1912" "Пахтакор" клубини қабул қилади.

Рустам Абдуллаев бошчилигидаги жамоа 14та ўйиндан сўнг 10 очко тўплаб мусобақа жадвалининг 14-поғонасида боришмоқда.

Кеча ушбу жамоаларнинг ёшлари ўзаро ўйин ўтказишди. Баҳсда "Пахтакор" 2:0 ҳисобида зафар қучди.

Бугунги баҳс соат 18:00да бошланади.


"Навбаҳор": Шахбоз Эркинов - водий тўпурари

Олий лигада дастлабки давра якунланди. Наманганнинг "Навбаҳор" клуби ҳужумчиси Шахбоз Эркинов биринчи даврада 6та гол уриб водий клублари ичида тўпурар бўлди. Ундан кейинги ўринни унинг жамоадоши Улуғбек Бақоев эгаллаб турибди - 5та гол.


"Нефтчи": Давралар оралиғида Тошкентда ҳам йиғин бўлади

Фарғонанинг "Нефтчи" клуби 9 июлга қадар таътилга чиққани ҳақида хабар бергандик.

Жамоа тайёргарликинг дастлабки босқичини Фарғонада ўтказади. 21 июлдан эса Мурод Исмоилов шогирдлари йиғинни Тошкентда давом эттиришади. Ушбу йиғин доирасида бир нечта ўртоқлик учрашувлари ўтказилади.