Винисиус Жуниор: "Мен кўп нарсага эришдим, лекин орзуларим ҳали тугамаган"

GQ нашрига берган интервьюсида Винисиус ўз фаолиятида аллақачон кўп ютуқларга эришгани, бироқ унинг орзулари ҳали амалга ошмаганини айтди. Бразилиялик футболчи клуб ва терма жамоа билан янада кўпроқ чемпионликни қўлга киритиш, шунингдек, кейинги авлод футболчиларини илҳомлантиришда давом этишини таъкидлади.

"Менинг энг катта орзум – футболдан ташқари мерос қолдириш", – дея қўшимча қилди Винисиус.

Эслатиб ўтамиз, Винисиус Жуниор ўтган мавсум мадридликлар сафида Испания чемпионатида 30 ўйин ўтказиб, 11 та гол урган ва 8 та голга ассистентлик қилган.