“Вильярреал” устози истеъфога чиқарилди

Мутахассис 2017 йил жамоага бош мураббийи этиб тайинланганди. 2018 йилнинг декабрида у истеъфога чиқарилиб, орадан бир ярим ой ўтгач, яна жамоа рулига қайтарилганди.

Хабарларга кўра, “Вильярреал” раҳбарияти “Арсенал”, ПСЖ клубларининг собиқ мураббийи Унаи Эмери билан музокараларни бошлаган. Испания ОАВлари хабарига кўра, Эмери клуб билан тузиладиган шартномага, агар томонлардан бири муддатидан олдин шартномани бекор қилса, катта миқдорда товон пули тўлаш лозимлиги кўрсатилган бандни киритмоқчи.

“Вильярреал” жорий мавсумда Ла Лига баҳсларида 38 беллашувда 60 очко жамғариб, бешинчи поғонани банд этди ва Европа Лигасига йўлланмага эга чиқди.