Виктор Жалилов: "Вазиятлардан фойдалана олмаслик яна панд берди"

"Ўйин анча қизиқарли кечди. Бугунги баҳсда иккала жамоада ҳам кўплаб имкониятлар бўлди. Аммо чемпионатда ҳам, кубокда ҳам вазиятлардан фойдалана олмаслик касаллиги бизга панд бермоқда. Бунинг устида ишлаймиз", - деб гап бошлади Виктор Жалилов.

"Бугун иккинчи бўлимда тактикани бироз ўзгартирдик. Шундан сўнг "Локомотив" марказда устунликка эга бўлгани йўқ. Ёш футболчиларга имкон беришда давом этамиз".

"Кубок баҳсларининг саналари ўзгаргани албатта таъсир қилди. Лекин барча тўрттала клуб ҳам шу кунларда ўйнашмоқда, демак у қадар катта муаммо йўқ".

"Ҳакамлик борасида гапиришни истамайман. Бугун мағлуб бўлдикми демак ўзимиз қаердадир хато қилганмиз. Жавоб ўйинида керакли натижага эришиш учун ҳаракат қиламиз", - дейди Жалилов.