Вератти: Вақти келиб ПСЖ муҳим совринларни қўлга киритади

“Агар ғалаба қозона олмасак, атрофда шовқин-сурон кўпайиб кетади. Бу эса бизга буюк ўйинчиларга қарагандек, эътибор беришаётганини англатади. Биз кучли босим остидамиз. Эҳтимол, биз сўнгги икки йил ичида керакли баланд нуқтага чиқа олмагандирмиз, аммо ўз ўрнида хотиржамликни сақлаб турибмиз. Бир куни муҳим совринларни ҳам қўлга киритамиз. Ҳа, бу мажбуриятимиз. Мавсум аввалидан бери барча совирнларни ютишга ҳаракат қиляпмиз. Бироқ барча совринларни қўлга киритиш осон эмас. Ғалаба биз ва клуб учун жуда муҳим. Халқаро майдонда ҳеч нарса ютмадик. Бизнинг ҳозирги асосий мақсадимиз — Франциядаги совринлар”, — дейди Марко.

Бугун 31-март санасида Франция лига кубоги финалида ПСЖ “Монако”га қарши майдонга тушади.