VAR хатоларисиз АПЛ муқобил жадвали тақдим этилди. "Арсенал" очколаридан маҳрум бўлган
28 май 2025 18:43
Янгиликлар

VAR хатоларисиз АПЛ муқобил жадвали тақдим этилди. "Арсенал" очколаридан маҳрум бўлган

VAR қарорлари жамоаларнинг Англия Премьер-лигаси турнир жадвалидаги якуний натижаларига таъсир қилди.

Бу ҳақда "Squawka" хабар бермоқда.

Таҳлилчилар VAR хатоларидан холи жадвал тузишди. Ушбу версияга кўра "Арсенал" 5 очко кўпроқ, "Ливерпуль" эса 3 очко камроқ олиши керак бўлган. Бироқ "қизиллар" барибир чемпион бўлишарди.

"Манчестер Сити" ва "Ньюкасл" иккита қўшимча очко олган. Шу муносабат билан "ҳаккалар" Чемпионлар Лигаси зонасидан тушиб қолиши мумкин эди. "Ноттингем Форест" икки поғонага кўтарилиб, Чемпионлар Лигасига чиқиши керак эди.

"Ипсвич" охирги эмас, 18-ўринни эгаллаши керак эди, аммо бу кучлар мувозанатида алоҳида роль ўйнамасди. Жадвалнинг қуйи қисмида жойлашган уч жамоа ҳам адолатли тарзда тушиб кетган.