Вальверде: "Рома"га қарши баҳсда 75 дақиқа яхши ўйнадик"

"75 дақиқа яхши ўйнадик, аммо учрашув охири омадсиз бўлди. Ўйиннинг катта қисмида устунлик қилдик.

Майдонда ёшларимиз пайдо бўлганидан сўнг ҳам яхши ҳаракат қилдик. Бироқ кейин таркибни ҳисобга олиб, орқароқ қайтдик. Бу ўрганишнинг бир қисми. Ҳа, ҳамма ютишни яхши кўради, аммо асосийси яхши ўйнадик.

Малком ўйинни яхши ўқийди. У тўп учун орқага қайта оладиган кучли футболчи. Тез ҳаракат қилади, Малком узоқдан кучли зарба бера олади. Унинг ўйинидан кўнглимиз тўлди.

Рафинья икки учрашувдан бери яхши кўринмоқда. У кўп позицияларда ўйнай олиши биз учун катта устунлик. Ниҳоят унинг ўйинини кузата оламан, ўтган мавсум у жароҳат олган эди. Ҳозирча кўрганимдан мамнунман" - дейди Вальверде.