Вадим Абрамов "Зенит"дан учралган мағлубиятдан кейинги интервьюда адашиб кетди

"Йирик ҳисобда мағлубиятга учрадик. Рақиб "Зенит" бизга қараганда кўпроқ тайёргарлик кўрди, улар бир неча кундан кейин еврокубокларда ўйнашади ("Зенит" еврокубокларда ўйнамайди - championat.asia таҳрир.). Бизда эса мавсум бошланишига бир ойга яқин вақт бор. Бу ўз сўзини айтмай қолмади. Иордания билан ўйинга тайёргарлик кўрамиз. Мазкур йиғин орқали захира имкониятимизни кўриб оляпмиз. 0:4 албатта катта ҳисоб. Мухлисларни тўғри тушунаман. Улар ушбу натижадан ранжишган. Табиийки, биз ҳам шундай ҳолатдамиз. Хатоларни тўғирлашимиз учун бизда вақт бўлади деб ўйлайман",- дейди Абрамов ЎФА матбуот хизматига.

Эслатиб ўтамиз, "Зенит" Европа чемпионлар лигаси гуруҳ босқичида сўнгги ўринни эгаллаган ва еврокубокларни тарк этган.