UZ

Сўнгги янгиликлар

14:53Меҳди Моҳиби: "Умид қиламанки, CAFA турниридаги ҳолат такрорланмайди"  0 14:36Вирц ёзда "Реал"га ўтадими?  1 14:08Парротт Ирландия терма жамоасининг ноёб ўйинчисига айланди  1 13:39U-19 чемпионати. "Машъал" "Бунёдкор"ни мағлуб этиб, 3-ўринни қўлга киритди  1 13:21Ўруновнинг клубдоши: "Эрон бошқа жамоа, ука"  14 12:54Ўзбекистонга қарши ўйин олдидан Эрон асосий таркибида йўқотиш  0 12:37Эксперт фикри. Санжар Турсунов: "Шу руҳда давом этсак Миср ҳам, бошқа рақиблар ҳам қўрқинчили бўлмайди"  3 12:10Самуэле Инасио: "Клублар ўртасидаги жаҳон чемпионати мен учун мундиал олдидан тажриба бўлди"  2 11:50Ўзбекистонлик ҳакамлар Бразилия – Франция учрашувида ишлайди  4 11:20МЮ Харри Магуайр бўйича якуний қарорга келди  4 10:42Исроиллик футболчи 99 йилга футболдан четлатилди  9 10:15"Реал"нинг икки нафар футболчиси фаолиятини Саудия Арабистонида давом эттириши мумкин   3 09:47Футзал. Бугун 5-тур баҳсларига старт берилади  0 09:20"Оила футболдан муҳимроқ." Адвокат оилавий сабабларга кўра ҳал қилувчи ўйин олдидан Кюрасао терма жамоасини тарк этди  1 08:55Португалия ЖЧ йўлланмасини қўлга киритганидан сўнг Роналду қисқа фикр билдирди  65

Вадим Абрамов: "Футболни тўғри ўйнаш керак, шунда ҳаммаси жойига тушади" Янгиликлар

Вадим Абрамов: "Футболни тўғри ўйнаш керак, шунда ҳаммаси жойига тушади"

Суперлига 18-туридан ўрин олган "Динамо" - "Пахтакор" (1:1) учрашувидан сўнг "Динамо" бош мураббийи Вадим Абрамов матбуот анжуманида иштирок этди.

- Ўйин ҳақида фикрингиз?

- Афсуски, яна ҳисобда олдинда бориб кейин гол ўтказиб юбордик. Бунга ўзимиз айбдормиз, чунки иккинчи таймда устунликни рақибга топшириб қўйдик. Нотўғри ҳимояландик, ярим ҳимояда кўп камчиликлар кўринди. Худдики ярим ҳимоячиларсиз ўйнадик. Ҳисоб 1:0 пайти рақибни қарши ҳужумда ушласак бўларди, аммо ўзимиз қарши ҳужумларда рақибни ўтказиб юбордик. "Пахтакор" офсайддан гол ургандек бўлди, лекин ҳозир буни айтишдан нима фойда. Ўзимизни қониқтирмаган дуранг қайд этдик.

- Улуғбек Ҳошимовнинг жароҳати бўйича бирон гап борми?

- Нима бўлганини эртага биламиз. Ҳеч нарса жиддий бўлгани йўқ деб ўйлаймиз. Менимча, Улуғбек бир-икки ҳафта ўйнай олмайди.

- "Динамо" сафарда яхши ўйнаяпти, аммо уйдаги баҳсларда босим остига тушиб қолгандек.

- Буни психологик босим демаган бўлардим. Балки уйдаги ўйинларда иштиёқ кўп бўлаётгандир, кўрсатишимиз керак бўлган ўйинни ҳам эсдан чиқариб қўйяпмиз. Футболни тўғри ўйнаш керак, шунда ҳаммаси жойига тушади.



- Қизил карточка ҳақида нима дея оласиз? 

- Нима рўй берганини тушунмай қолдим. Ҳакамлар ҳатто ВАРга ҳам бормади. Қизил карточка олган футболчимиз жуда одобли ўйинчи. У "қизил" оладиганлар тоифасидан эмас. Лекин нима учун четлатишди ҳайронман.

- Абдихолиқовнинг голида ўйиндан ташқари ҳолат бормиди?

- Менимча бор эди, лекин ҳакамлар узоқ ўйлаб охири голни ҳисоблашди.

- Бугунги ҳакамликдан қониқдингизми?

- Биз ҳаммамиз одамлармиз ва ҳамма хато қилади.

- "Динамо" чемпионлик учун ҳаракат қиладими?

- Биз курашдан чекинмаймиз. Ҳали "Нефтчи" ва "Насаф" билан ўйинларимиз бор. Охиригача курашамиз.

Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика