Усмон Тошев Тожикистон терма жамоасидаги фаолиятини якунлайдими? Мураббий жавоб берди
10 май 2021 16:14
Янгиликлар

Усмон Тошев Тожикистон терма жамоасидаги фаолиятини якунлайдими? Мураббий жавоб берди

Бугун Усмон Тошев "Бухоро" бош директори этиб тайинланди.

Шу муносабат билан Тожикистон терма жамоасидаги фаолиятини давом эттирадими ёки йўқми шуни аниқлаш мақсадида мураббий билан боғландик.

"Хабарингиз бор, июнь ойида ЖЧ-2022 саралаши доирасидаги ўйинлар бўлади. Бўлажак иккита ўйинда Тожикистон терма жамоаси бош мураббий бўлиб ишлайман. Яъни бошланган ишни якунлаб қўяман. Яъни иккита жойда ишламайман, ҳозирча балки онлайн тарзда "Бухоро"даги ишларни бажариб турарман.

ЖЧ-2022 саралашидан кейин Ўзбекистонга қайтиб бор эътиборимни "Бухоро"га қаратаман", - дейди Усмон Тошев championat.asia сайтига.

Эслатиб ўтамиз, Тожикистон терма жамоаси 7 июнь куни Япония билан, 15 июнь куни Мьянма билан ўйнайди. Ушбу гуруҳ ўйинлари марказлашган ҳолда Японияда бўлиб ўтади.

Ҳавола :

Манба : championat.asia

Янгиликларни Телеграмда ўқинг!

Рейтинг: +4