"Усиз ЖЧдаги ғалаба бўлмасди". Гризманн Умтитини қўллаб-қувватлади

Твиттерда журналист Дидье Рустан Эрик Абидальнинг 2016 йилдаги интервьюсини "репост" қилди. Ўшанда футболчи "Умтити "Барселона"нинг ўз Беккенбауэри" бўлиши мумкин" мазмунида интервью берган эди. Рустаннинг фикрича, ҳозир бу гаплар кулгули туюлмоқда. 

30 ёшли Гризманн эса бунга муносабат билдирди:

"Самюэлсиз иккинчи юлдузча бўлмасди". (Гап Франция терма жамоасининг ЖЧ-2018даги чемпионлиги ҳақида кетмоқда. Бу французлар учун ЖЧлардаги иккинчи чемпионлик эди). 

Умтити йил давомида яхши формада эди. Буёғи мураббийларнинг танлови. У ҳақиқий профессионал ва франциялик ёш марказий ҳимоячилар учун намунадир", - деб ёзди Гризманн.