"Бавария" ҳимоячиси Дайо Упамекано жароҳати туфайли шу ойнинг қолган қисмини ўтказиб юбориши мумкин. Бу ҳақда мюнхенликлар клуби матбуот хизмати хабар берди.
Ҳимоячи Бундеслиганинг 7-турида "Фрайбург"га қарши ўйинда (3:0) тиззасидан жароҳат олди.
Франциялик футболчи бир неча ҳафта майдонга тушмайди. Дастлабки тахминларга кўра, ноябрь ойининг биринчи ҳафтасигача тиклана олмайди.
Упамекано жорий мавсум "Бавария" сафида 10 та ўйинда майдонга тушишга улгурди.
