Улуғбек Ҳошимов: "Нефтчи"да кам гол ураётганим ўзимни ҳам хавотирга солмоқда"

"Нефтчи"дан таклиф қилинган ҳужумчи Улуғбек Ҳошимов ҳам терма жамоа таркибига жалб қилинган. Ўтган мавсумларда "Пахтакор" ўринбосарлар жамоасида кўплаб голлари билан кўпчиликнинг эътиборини тортган футболчининг фарғоналиклар сафида кутилган ўйинни кўрсата олмаяпти (статистика 12та ўйин 1та гол, 1та пас). Биз бу борада унинг фикрлари билан қизиқдик. 

"Йиғин яхши ўтмоқда. Мақсадимиз Қувайтдаги мусобақада гуруҳда биринчи ўринни эгаллаш. Гарчи кейинги йил мусобақа Ўзбекистонда бўлсада, ўзимиз иштирок этадиган ҳар қандай турнирда ватанимиз байроғини баландга кўтаришни истаймиз. "Нефтчи"га мослашиб олишда қийинчилик бўлгани йўқ. Гол ура олмаётганим ўзимни ҳам хавотирга солмоқда. Сўнгги маротаба "Янгиер"га гол урганимдан сўнг бошқа дарвозаларга тўп киритмадим. Тушкунликка тушмасдан ишлашда давом этишим керак. Буни кўп ўйласам ўзимга зарар бўлиши мумкин. Қайтанига тўсқинлик қилади. Фақат меҳнат қилишдан, ишлашдан тўхтамаслигим керак. 

"Нефтчи" Суперлигага чиқса кураша оладими? Биз ҳали элитада эмасмиз. Мураббйиларимиз ҳар бир ўйинни ютишимиз кераклигини айтишмоқда. Клубни ўз даражасига қайтаришимиз лозим. Мавсумни биринчи ўринда якунлаш учун қўлимиздан келганча ҳаракат қиламиз. Суперлигада бемалол кураша оламиз, деб баралла айта оламан",- дейди Улуғбек Ҳошимов.