Улуғбек Бакаев: "Ҳар доим ҳамма нарса биз хоҳлагандек бўлавермайди"
16 май 21:58
Янгиликлар

Улуғбек Бакаев: "Ҳар доим ҳамма нарса биз хоҳлагандек бўлавермайди"

Про лига 8-туридан ўрин олган "Бухоро" — "Шўртан" (3:0) учрашувидан сўнг мезбонлар бош мураббийи Улуғбек Бакаев матбуот анжуманида иштирок этди.

"Биринчи бўлимда, жамоамиз, асосан, марказ орқали ҳужумлар уюштирди. Кейин гол урдик. Иккинчи бўлимда муваффақиятли бурчак узатмасидан сўнг рақиб футболчилари ўз дарвозасини ишғол қилиб қўйди. Ғалаба билан йигитларни табриклайман. Эндиликда кейинги ўйинга тайёргарлик кўрамиз.

Чемпионат бошида жуда кўп вазиятлар ташкил этардик, аммо амалга оширишда суст эдик. Ҳозир эса вазиятларни муваффақиятли якунлаяпмиз. Ўйиндан ўйинга шаклланиб боряпмиз. Албатта, баратараф этиш керак бўлган муаммолар мавжуд. Ҳар доим ҳамма нарса биз хоҳлагандек бўлавермайди. Шунга қарамай, йигитлар ҳаракат қилишяпти.

Доминик Бегич ва Фране Икич профессонал ва интизомли футболчилар ҳисобланади. Улар машғулотларда ҳам шунга хос ишлашади. Бизда улардан ташқари қолганларни ҳам шундай таърифлаш жоиздир. Бугун улар гол уришади, эртага бошқаси", — деди "Бухоро" устози.

Ҳавола :

Манба : championat.asia

Янгиликларни Телеграмда ўқинг!

Рейтинг: +4