УЕФА ўтган мавсумнинг энг яхши футболчиси бўлиш учун номзодларни эълон қилди

Уч футболчидан иборат рўйхат ҳакамлар ҳайъати овозига кўра аниқланди, баҳоловчилар сафига Евро-2020'да қатнашган 24 та терма жамоа мураббийлари, УЕФА Чемпионлар Лигаси ва УЕФА Европа Лигаси гуруҳ босқичида ўйнаган 80 та клуб мураббийлари киритилди. Шунингдек, Европа спорт нашрлари ассоциацияси (ESM) томонидан танланган 55 нафар УЕФАнинг барча ассоциациялари журналистлари киритилди.

Овоз берувчиларнинг ҳар бир аъзоси ўзининг энг яхши учлигига овоз берди. Биринчи ўрин учун беш очко, иккинчисига — уч, учинчи учун — бир очко ҳисобланди. Мураббийлар ва журналистларнинг овоз беришида тўпланган умумий баллар сонидан якуний натижа эълон қилинди. Энг кўп очко тўплаган уч футболчи якуний соврин учун курашади. Мураббийлар ўз жамоасининг футболчиларига овоз бера олишмади.

Энг кўп овоз тўплаган футболчилар қуйидаги кетма-кетликда жойлашган:

Кевин Де Брейне (Бельгия – "Манчестер Сити")

Жоржиньо (Италия – "Челси")

Н'Голо Канте (Франция – "Челси")