Ayiq bolasi musobaqaning rasmiy siymosiga aylandi.
"Timsol XX asr boshlarida Germaniyada ixtiro qilingani aytilgan mashhur bolalar o'yinchog'iga, ayiqchaga ehtirom ko'rsatadi. Ayiqcha butun Yevropa bo'ylab 10 million bolani faol bo'lishga ilhomlantirishga harakat qiladi. U maktablarda o'zining #MakeMoves (Harakat qil) sayohatini boshlaydi va o'quvchilarni jismoniy faollikka undaydi", – deyiladi UEFA bayonotida.
Shuningdek, keyingi ikki hafta ichida UEFAning "maktablarda futbol" dasturida ishtirok etuvchi bolalar uefa.com sayti o'quvchilari bilan birgalikda ovoz berish yo'li bilan timsol nomini tanlaydilar.
Evro-2024 14 iyundan 14 iyulgacha bo'lib o'tadi. Musobaqa guruh bosqichida 24 ta jamoa ishtirok etadi.
