UZ

Сўнгги янгиликлар

11:23БААнинг Ўзбекистонга қарши тахминий таркиби  4 11:00“Милан“ юлдузини “Ливерпул“га битта шарт билан сотишга тайёр  0 10:48Аброр Пирриев допинг текшируви ўтказиш учун допинг офицерларини жамоамиз истиқомат қилаётган меҳмонхонага ташрифи борасидаги саволга жавоб берди  11 10:36“Ал Ҳилол“ ТОП форвардга йига 40 миллион евро таклиф қилди  0 10:11Халқаро спорт тадқиқотлари маркази (CIES) энг қиммат футболчилар рейтингини янгилади  5 09:44Ўтган мавсум А Серияда 11 та гол урган ҳужумчи фаолиятини “Рома“да давом эттириши мумкин  2 09:17УEФА Чемпионлар Лигасининг янги мавсумида “Барселона“ни очколардан маҳрум қилиши мумкин  22 08:50Goal «Олтин тўп»ни ютишга даъвогарлар рейтингини янгилади. ПСЖнинг уч нафар футболчиси ТОП-10 га илк бор киришди  12 08:23“Реал Мадрид“ яна бир трансфер бўйича ишни якунлади  15 07:56Бугун Ўзбекистон ОТЖ Францияга қарши баҳс олиб боради  9 07:23БАА Спорт вазирлиги "Ҳаммамиз оқлар тарафидамиз" кампаниясини ўтказмоқда: Спорт федерацияларига бепул чипталар тарқатиляпти  33 00:44Сон Хён Мин "Тоттенхэм"ни тарк этиши ва Саудия клубига ўтиши мумкин?!  1 00:19Лука Модрич янги клуби билан қачон шартнома имзолайди?  1 23:44"Тоттенхэм" янги уй либосини тақдим этди  2 22:42Инзаги "Ал Ҳилол"да қанча маош олади?  4

Ucell’да шахмат бўйича катта мусобақа бўлиб ўтди Янгиликлар

Ucell’да шахмат бўйича катта мусобақа бўлиб ўтди

Теглар :  Шахмат
Aпрель ойидан бошлаб CОSCОМ МЧЖ (Ucell савдо белгиси) барча вилоят филиаллари ходимлари ўртасида шахмат мусобақаларини ўтказмоқда.

19 май куни Ўзбекистон Республикаси Халқаро Шахмат Aкадемияси ҳудудида компания ишчилари ўртасида биринчи шахмат турнирининг финал баҳслари бўлиб ўтди.

Саралаш ўйинлари бир ярим ой ичида бутун мамлакат бўйлаб ўтказилиб, Самарқанд, Қарши, Бухоро, Навоий, Гулистон, Жиззах, Наманган, Нукус, Қўқон ва Тошкентда бўлиб ўтди. Оқ-қора майдондаги жангларда Компаниянинг барча офисларидан 66 нафар ишчи қатнашди. 11 нафар иштирокчи финалга чиқди.
Компанияда биринчи марта шахмат бўйича мусобақа бўлиб ўтмоқда.

Владимир Кравченко, CОSCОМ МЧЖ Бош директори (Ucell савдо белгиси):

— Биз Ucell компаниясида анъанавий равишда нафақат бизнесда юқори кўрсаткичларни сақлаб қолишга, балки ходимларнинг ички шарт-шароитлардан қониқиш даражаси ҳақида ҳам қайғурамиз.

Ўтган йилнинг кузида компания ходимлари орасида катта ижтимоий сўровнома ўтказилди ва унинг натижаларига кўра, кўплаб ходимлар компанияда соғлом турмуш тарзини фаоллаштириш тарафдори бўлишди, айниқса, шахмат бўйича мусобақаларни ўтказиш зарурлиги алоҳида қайд етилди.

Aйтиш жоиз, ҳар йили Ucell касаба уюшма қўмитаси кўнгилочар ва туристик саёҳатлар, стол тенниси мусобақалари, волейбол, баскетбол ва футбол мусобақаларини ташкиллаштиради. Шахсан ўзим баскетбол мухлисиман ва бажонидил ўйинларда қатнашаман.

Энди шахматга ҳам навбат келди. Бу хотира, мантиқ ва диққат-эътиборни ривожлантирадиган ажойиб спорт тури ҳисобланади. Бизда шахматга катта ҳурмат ва эътиборга билан қарашади. Бунга Ўзбекистон Республикаси Президентининг 2021 йил 21 январдаги “Шахматни янада ривожлантириш ва оммавийлаштириш ҳамда шахматчиларни тайёрлаш тизимини такомиллаштириш чора-тадбирлари тўғрисида”ги фармони ҳам яққол мисол бўла олади.

Саралаш босқичи ўйинлари аллақачон мусобақага бўлган қизиқишни ошириб юборди ва ўйлайманки, компанияда бу яхши анъанага айланади, интеллектуал спорт тури сифатида шахматнинг янада оммалашишига ҳисса қўшади.

Ўзбекистон Республикаси Шахмат федерацияси мусобақаларни ташкил қилишда: мусобақа регламентини ишлаб чиқиш ғоясидан тортиб, финал босқичларини FIDE ҳакамлари билан ўтказишгача бўлган жараёнларда кўмаклашди.

Мусобақа финали швейцарча тизим бўйича 5 турда ўтказилди. Ўринлар тўпланган балларнинг кўплиги бўйича аниқланди.
Энг яхши натижани IT-харидлар бўлимининг етакчи мутахассиси Aлишер Бобоев кўрсатди, иккинчи ўринда эса таҳлил департаментининг етакчи мутахассиси Даврон Сулаймонов.
Учинчи ўрин Нукус шаҳри техник хизмат кўрсатиш гуруҳи муҳандиси Имомаддин Aлламуратов ва Бухоро шаҳри бизнес сегментига хизмат кўрсатиш бўлимининг оператори Беҳзод Холиқовларга насиб қилди.
Турнир соврин жамғармаси қуйидагича тақсимланди: турнир ғолибига 5 миллион сўм, кумуш медал соҳибига 3 миллион сўм ҳамда бронза медал соҳибларига 1 миллион сўмдан пул мукофотлари берилди. Финал босқичининг қолган етти иштирокчисига қимматбаҳо совғалар топширилди.

Алишер Бобоев, шахмат мусобақаси ғолиби:

— Ягона мақсад йўлида бирлашган жамоанинг бир қисми эканимдан фахрланаман. Баҳслардаги ўзаро рақобат муҳитига қарамай, бутун мусобақа давомида ягона жамоа, ҳамкасблар бўлиб қолишда давом етдик. Ташкилотчиларга катта раҳмат дейман. Турнир бизни бир-биримизни қўллаб-қувватлашга ўргатди, айниқса, фавқулодда вазиятларда. Бизнинг ходимларимиз кучли қатъият ва мустаҳкам ирода кўрсатишди. Биринчиликни қўлга киритиш жуда ҳаяжонли, бу мен учун улкан шараф.

Ўзбекистоннинг энг йирик мобил алоқа оператори бўлган Ucell жорий этиб келаётган замонавий технологиялари орқали ҳаётнинг энг яхши қулайликлари ҳар ерда ва ҳамма учун фойдали бўлишига интилади.

Рейтинг:    

Фикрлар

championat.asia
< сўнгги янгиликларни кўриш
Яндекс.Метрика