U-23 Осиё чемпионатининг барча ўйинларида VAR тизимидан фойдаланилади
23 дек 2019 16:08
Янгиликлар

U-23 Осиё чемпионатининг барча ўйинларида VAR тизимидан фойдаланилади

Навбатдаги 23 ёшгача бўлган футболчилар ўртасидаги Осиё чемпионати старт олишига ҳам саноқли кунлар қолди.

8-26 январь кунлари Таиланднинг Бангкок, Бурирам ва Сонгхла шаҳарларида қитъа чемпионати финал босқичи ўтказилади.

Олимпиада йўлланмалари учун баҳс олиб бориладиган ушбу мусобақа Осиё футболи тарихидан ўрин олади. Зеро ушбу мусобақа Video Assistant Referee (VAR) тизими тўлиқ тартибда фойдаланиладиган илк ОФК турнирига айланади.

Биласиз, 2019 йилги Осиё кубогининг чорак финалидан бошлаб VAR тизими қўлланилган эди. Ушбу муваффақиятли синовдан сўнг қитъа футбол конфедерацияси Таиланд-2020нинг барча 32 та ўйинида ҳам VAR тизимидан фойдаланишга қарор қилди.

Ҳавола :

Манба : ufa.uz

Янгиликларни Телеграмда ўқинг!

Рейтинг: +10