U-23 Осиё чемпионати. Тошкентда ташланган қуръага ўзгартириш киритилди
11 авг 2021 14:37
Янгиликлар

U-23 Осиё чемпионати. Тошкентда ташланган қуръага ўзгартириш киритилди

Лекин бу ўзгариш бизнинг гуруҳга таъсир қилгани йўқ.

Эсингизда бўлса, шу йилнинг 9 июль куни 2022 йил Ўзбекистон мезбонлик қиладиган U-23 Осиё чемпионати саралаш учрашувларига қуръа ташланганди. Қуръа натижаларига кўра, 42та жамоа 11та гуруҳга бўлинган.

Лекин КХДР термаси саралаш ўйинларида қатнашишдан бош тортгани учун бугун бошқатдан қуръа маросими ўтказилди. Унга кўра, КХДР ўрнини Гонгонг U-23 терма жамоаси эгаллади. Эндиликда Япония ва Камбоджа билан Гонконг баҳс олиб боради.

Ўзбекистон U-23 терма жамоаси саралаш босқичида конкурсдан ташқари қатнашади. Саралаш беллашувлари шу йилнинг октябрь ойида бўлиб ўтади. Ўзбекистон U-23 "D" гуруҳида жой олган бўлиб, ўз ўйинларини Саудия Арабистони, Бангладеш ва Қувайтга қарши ўтказади. Бизнинг гуруҳ учрашувларига Қувайт мезбонлик қилади.