UZ

Сўнгги янгиликлар

01:49А Серия. "Милан" мавсумдаги илк ғалабасини қўлга киритди  1 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  13 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  1 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  3 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   5 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  30 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  21 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  4 19:39"Челси" собиқ футболчиси фаолиятини "Севилья"да давом эттиради  0

"Турон"дан таклиф тушгач кўп ўйлаб ўтирмадим". Фирдавс Чакалов янги жамоаси ҳақида нималар деди? Янгиликлар

"Турон"дан таклиф тушгач кўп ўйлаб ўтирмадим". Фирдавс Чакалов янги жамоаси ҳақида нималар деди?

Яйпаннинг "Турон" жамоаси ёзги трансферлар ойнасида таркибни кучайтириш ишларини олиб бормоқда.

Клуб яқинда тожикистонлик ҳимоячи, "Хўжанд" футболчиси Фирдавс Чакалов билан шартнома имзолади.

Маълумот ўрнида таъкидлаш жоиз ўнг қанот ҳимоясида ҳаракат қиладиган футболчи бу мавсум Тожикистон чемпионатида 11та учрашувда 1та гол урган ҳамда жамоадошининг 1та голига ассистентлик қилган. Жорий йилги ОФК кубогида эса 3та баҳсда иштирок этди. Легионер сифатида эса 2018 йилги мавсумда Малдив чемпионати иштирокчиси "Виктория СК" клубида тўп тепган. 

Куни кеча "Турон"нинг янги аъзосини суҳбатга чорладик ва бир нечта саволлар билан юзландик.

- Фирдавс, "Турон" жамоаси сафига келиб қўшилишингиз қай тариқа юз берди?

- Икки ҳафта олдин агентим Кова Тилавпур бир қатор клублар менга қизиқиш билдираётганини айтиб ўтди. Якунда "Турон" вариантида тўхталдик. Ўйлайманки, қабул қилган қароримиз нотўғри бўлмайди. Янги жамоамда бор кучим билан ўйнаб, мухлислар меҳрини қозонишга ҳаракат қиламан. 

- Таклиф айнан ким томонидан бўлди? Мураббий ёки раҳбарият...

- Раҳбарият бош мураббий билан биргаликда ўйинларимни кўриб, таҳлил қилиб чиқишган экан. Шундан сўнг агентим билан алоқага чиқишган. 

- Бир нечта жамоалардан қизиқиш бўлганини айтиб ўтдингиз. Нима учун айнан "Турон"да тўхталдингиз? Клуб сизни нимаси билан эътиборингизни торта олди?

- Клуб ҳақида керакли маълумотларга эга бўлганимдан сўнг "Турон"га ўтишга қарор қилдим. Яратилган шароитлар, мақсадлар ва вазифалар жамоанинг келажаги борлигига ишора қилмоқда. Шу боис таклиф келиб тушгач кўп ҳам ўйлаб ўтирганим йўқ. Боз устига жамоа ташкил этилганига кўп бўлмаган. Суперлигада дебютини ўтказмоқда. Шу боис улар юқори ўринлар учун яхши таркиб йиғишга ҳаракат қилишмоқда. Мени бу хурсанд қилди. Клубда олдинга интилиш бор. 

- "Турон"да сиздан олдин Умаржон Шарипов тўп тепди. Ундан керакли тавсияларни олдингизми?

- Тўғрисини айтсам у билан ҳали боғланганим йўқ. 

- Ўз олдингизга қандай мақсадларни қўйдингиз? Мураббий билан гаплашиб олдингизми?

- Ўзимнинг энг яхши қирраларимни ва иқтидоримни кўрсатмоқчиман. Мураббий билан мендан нимани истаётганини гаплашиб олдик. Жамоага фойдам тегиши учун икки ҳисса куч билан ҳаракат қилишга тайёрман. Шунингдек клубнинг мақсадига етишиши учун ёрдам беришни истайман.

Абдулазиз Искандаров суҳбатлашди

Рейтинг: +7   

Фикрлар

championat.asia
< сўнгги янгиликларни кўриш
Яндекс.Метрика