Триппьер операция қилинди. У "Ливерпуль" билан бўладиган ўйингача қайтадими?

Триппьер январь ўрталарида бўлиб ўтган "Реал"га қарши ўйинда ковак соҳасидан жароҳат олган эди.

29 ёшли ўйинчи операция қилинди ва тикланиш жараёнини ҳам бошлаб юборди.

"Атлетико" эса 18 февраль куни бўлиб ўтадиган Чемпионлар Лигаси доирасидаги "Ливерпуль"га қарши ўйингача ҳимоячининг соғайишига умид қилмоқда.

Англия терма жамоаси ҳимоячиси "матрасчилар" либосида жорий мавсум 22та ўйинда майдонга тушиб, 4та ассист қайд этди.

Мадрид клубида жароҳат олганлар талайгина. Шу билан биргаликда, икки форвард билан ҳаракат қиладиган жамоада жароҳат олмаган ҳужумчи қолмаган: Жоау Феликс, Альваро Мората, Диего Коста, Коке, Киран Триппьер, Сантьяго Ариас, Хосе Мария Хименес, Дарио Поведа.