"TransferUz": Турғунбоев "Пахтакор"ни танлайдими ёки "Навбаҳор"да қоладими?
27 ноя 2018 16:18
Янгиликлар

"TransferUz": Турғунбоев "Пахтакор"ни танлайдими ёки "Навбаҳор"да қоладими?

Теглар : "Навбаҳор" "Пахтакор"Азиз Турғунбоев Трансфер

Сайтимиз ходими Шаҳбоз Беғамовнинг маълум қилишича, "Навбаҳор" вингери Азиз Турғунбоев келаси мавсумни қаерда бошлаш ҳақида ўйламоқда.

Айни пайтда Турғунбоевнинг хизматларига "Пахтакор" томонидан жиддий қизиқиш мавжуд. Клуб аллақачон футболчи билан оғзаки музокараларни бошлаб юборган. Бироқ футболчи ҳали якуний қарорга келгани йўқ. Ўз олдига юқори мақсадларни қўяётган "Навбаҳор" раҳбарияти эса Турғунбоевни жамоада олиб қолиш учун курашмоқда.

Бу борада Турғунбоевнинг ўзига мурожаат қилдик ва футболчи кейинги фаолияти ҳақида қуйидаги фикрларни билдирди:
- "Тўғриси, ҳали якуний қарорга келганим йўқ. Айни пайтда "Пахтакор" томонидан қизиқиш мавжуд. Аммо биз ҳеч қандай келишувга эришганимиз йўқ. Шунингдек, "Навбаҳор" ҳам мени қўйиб юбормоқчи эмас. "Навбаҳор"да қоламанми? Ҳозирча аниқ бир нарса дея олмайман. Ўйлаб кўрмоқчиман", - деди Азиз Турғунбоев.

Эслатиб ўтамиз, "Пахтакор" жамоаси ўтган мавсумда ҳам мазкур футболчининг хизматларига қизиқиш билдирганди. Аммо якунда Турғунбоев Наманганда қолишни маъқул кўрганди. Бу йили эса футболчи қандай қарорга келишини яқин вақт ичида билиб оламиз. Айни пайтда футболчи бу борада яхшилаб ўйлаб кўрмоқчи.

Ҳавола :

Манба : championat.asia

Янгиликларни Телеграмда ўқинг!

Рейтинг: +26