Transfer-market: Драган Черан "Сўғдиёна"ни танлайдими ёки "Пахтакор"?

Ёз фаслида Суперлигада (16-турдан кейин) трансфер ойнаси расман очилади. Бу орада эса табиийки бир қатор футболчилар ўз жамоаларини алмаштиришлари эҳтимоли юқори. Кимдир ўз таркибини кучайтиришни мақсад қилса, яна кимлардир жамоага ортиқча бўлиб қолган ўйинчилар билан хайрлашишади.

Айнан шу "Transfer-market" бўлими орқали ёзда содир бўлиши мумкин бўлган трансфер янгиликлари ҳақида сиз азиз ўқувчиларни бохабар қилиб турамиз.

14 май.

"Насаф"ни легионерлар тарк этиши мумкин

"Насаф"даги молиявий ҳолат сабаб легионерлар трансфер ойнаси очилганидан кейин жамоадан кетиши мумкин. Драган Черанга кўплаб жамоалар, хусусан "Сўғдиёна" жиддий қизиқмоқда. Шунингдек, Драган Чераннинг хизматига "Пахтакор" ҳам бефарқ эмас. "Сўғдиёна" устози Сергей Лушан Драган Черан, Игорь Голбан, Славко Лукич ва яна бир қатор "Насаф" футболчиларини ҳам ўз жамоасида кўришга қарши эмас.

"Локомотив" футболчиси "Навбаҳор"га ўтишга яқин

Йил бошида "Пахтакор"дан "Локомотив"га кўчиб ўтган Шерзод Каримов мавсумнинг иккинчи қисмини катта эҳтимол билан "Навбаҳор"да ўтказади. "Локомотив" сафида кўриниш бермаётган Каримов наманганликлар билан оғзаки келишувга эришган. Трансфер ойнаси очилиши биланоқ Шерзод Каримов "Навбаҳор" томон отланиши кутилмоқда.

"Сўғдиёна", "Навбаҳор" ва "Пахтакор" "Насаф" етакчисини сотиб олмоқчи

"Бунёдкор" футболчиси "Пахтакор"га ўтиши мумкин

Ушбу бўлим трансфер ойнаси расман ёпилгунга қадар фаол (янгиланади) ишлайди.

P.S. Трансфер хабарлари расмий мақомга эга эмас.